शुभ शुभ शुभ दिन आइ हे,
औती माँ लछ्मी!
अन-धन बरिषत आइ हे,
औती माँ लछ्मी!
शुभ शुभ शुभ............
चकमक घर आँगन सब चमकै
अनूप सुगन्ध दशोदिस गमकै-२
जगमग दीप जड़ाय हे,
औती माँ लछ्मी!
शुभ शुभ शुभ.............
फेरब ऊक करब हम सुमिरन
छी त' अबोध करब पर अर्चन-२
मन में आश लगाय हे,
औती माँ लछ्मी!
शुभ शुभ शुभ...............
महिमा हिनक सकल जग पसरल
गुण नहि कियो कतहु अछि बिसरल-२
निर्धन धनिक कहाय हे,
औती माँ लछ्मी!
शुभ शुभ शुभ.............
करब अबुझ मन एक निवेदन
वास करु धरती पर कण-कण-२
सब पर होऊ सहाय हे,
औती माँ लछ्मी!
शुभ शुभ शुभ.............
औती माँ ...........
अन-धन बरिषत.........
औती माँ...........
रचना - अमित पाठक
0 टिप्पणियाँ Blogger 0 Facebook