आशीषक आकांक्षाक संग दु पंक्ति :
"""""""""""""""""""""'""""""'"""""""""""""""""""""""'""""
कोनो गहना छएं तुँ, हमर अंगना के तुँ
तोरा लए सब निछावर दुलार बुचिया
ल' ले-ल' ले गे आशिष हजार बुचिया
ल' ले-ल' ले गे.............
एलएं जहिया हँसल सुन्न घ'र आ दुआरि
देलनि चान जेना विधना हमर घर उतारि
छएं तुँ हमरा लए कोनो उपहार बुचिया
ल' ले-ल' ले गे...........
तोहर चहकब चिड़ैं सन लगइए अनूप
लागएं अनमन देखै में तुँ लछ्मी सरूप
बसए तोरहि में हमर संसार बुचिया
ल' ले-ल' ले गे............
तोहर रूसब-मनायब एखक टा अमोल
कतौ भेटए ने सूगा सन मीठ एहन बोल
बिना तोरा मड़ैया अन्हार बुचिया
ल' ले-ल' ले गे...............
नजरि लागउ ने तोरा कहब राम के
तोरा लए बेचि देबई अपन चाम के
हमर उपवन के छएं तुँ श्रृंगार बुचिया
ल' ले-ल' ले गे...............
कोनो गहना छएं...........
अमित.
0 टिप्पणियाँ Blogger 0 Facebook