करब नै विश्वास घात, बुझु न राधा
जिनगी भरि देब साथ, बुझु न राधा॥
प्रेमे-स्नेह पर त सारा जग टिकल छै
छै एकर बड बड बात, बुझु न राधा॥
रोपु हियामे नेहक फूल,उमडबे करत
भ' रहल प्रेमक वर्सात, बुझु न राधा॥
डेगमे डेग मिलाक करब जीवनयात्रा
छोडब नै कहियो हाथ, बुझु न राधा॥
जे कियो करैय दुनियामे सुच्चा प्रेम
खुश राखैय भोलेनाथ, बुझु न राधा॥
© विद्यानन्द वेदर्दी
राजविराज,सप्तरी
हाल:विराटनगर,मोरङ्ग
#अपन_मिथिला
0 टिप्पणियाँ Blogger 0 Facebook