1:
हम एसगर छी बीन तोरा
तोरा भेटलौ मनमीत
तोहर स्वर लय तालमे
गाबी तोरे गीत
2:
छाती तोहर पाथर भेलौ
समय हमर विपरीत
मजरै आश वसंत मे
कोइलीक कूहकब तीत
3:
माहुर तोहर प्रीत छौ
छौ माहुर तोहर प्रीत
माहुर समय वसंत के
माहुर जगके रीत
4:
पानि पुरैनक पात पर
ठकहरबा के प्रीत
मौसम सन बदलैत अछि
क्षण प्रतिक्षण मनमीत
5:
आखर आखर क्लेश छै
नेहक होइछ दुखांत
चरिपतिया पढि लौट आए
बेकल मैथिल प्रशान्त
प्रशान्त झा
#अपन_मिथिला
0 टिप्पणियाँ Blogger 0 Facebook