कतौ रहुँ अप्पन गाम नै बिसरू
स्वर्गो सँ सुन्नर ठाम नै बिसरू॥
कन्हा पर गमछा,माथ पर पाग
धोती-कुर्ता परिधान नै बिसरू॥
दश्मी,दियाबाती,बकर ईद,होरी
सङ्गमे पर- पकवान नै बिसरू॥
माछ-मखान त' खेबेटा करियौ,
दही,चुरा,चिन्नी,आम नै बिसरू॥
प्राती,सोहर,समदाउन,झिझिया
जन्म सँ मरणके गान नै बिसरू॥
मिथिलामे रह' वाला सब मैथिल,
जाति-पातिमे मिलान नै बिसरू॥
चाहे भोज हो या उत्सव कोनो,
खाय लेल अहाँ पान नै बिसरू॥
अप्पन सँस्कृति-अप्पन अस्तित्व,
जा जिबी कर' उत्थान नै बिसरू॥
* * *
© विद्यानन्द वेदर्दी
राजविराज,सप्तरी
हाल-विराटनगर,मोरङ्ग
@[1048782725156233:]
✔ @[480690508763222:]
#अपन_मिथिला
0 टिप्पणियाँ Blogger 0 Facebook